Темірбек Жүргенов атындағы Қазақ ұлттық өнер академиясының Кино және телевизия факультенінің студенттері беделді «Fajr International Film Festival»  халықаралық фестивалінде жүлдеге ие болып, әлемдік киногерлердің жоғары бағасын алып жатыр. Аталған фестиваль 27 қараша мен 2 желтоқсан аралығында Иран мемлекетінің Шираз қаласында XLIII рет өтіп отыр.

Фестиваль аясында ұйымдастырылған «Talent Campus» байқауында Кино және телевизия факультетінің Операторлық өнер білім беру бағдарламасының 4-курс студенті  Дандыбаева Самира «Hands of woman» фильмі үшін ІІ орынға ие болды. Академияның 2024-2025 оқу жылының түлегі Арслан Абдикеримовтің «See you in Shiraz» фильмі I орын алды.

Осындай байқауларға қатысу арқылы еліміздің бай кино мәдениеті туралы әлем халқының білетіні рас. Алдыңғы аға буынныың ізін басып, өзіндік шығармашылық қалыптастырып келе жатқан жас таланттарға сарқылмас шабыт тілейміз.