Бұл ерекше күн — өнерге құштар жастарға Қазақ ұлттық өнер академиясының тыныс-тіршілігімен танысып, шығармашылық ортаның рухын сезінуге берілген үлкен мүмкіндік болды.

Талапкерлер мен ата-аналар оқу үдерісімен, профессор-оқытушылар құрамымен, заманауи оқу аудиторияларымен, шеберханалармен және шығармашылық алаңдармен танысты.

Іс-шара бағдарламасы аясында:
• талапкерлер арнайы тіркеуден өтті;
• Академияның білім беру бағдарламалары жан-жақты таныстырылды;
• түрлі жанрдағы концерттік бағдарлама ұсынылды;
• театр, музыка, кино, хореография және бейнелеу өнері бағыттарында шеберлік сыныптар ұйымдастырылды;
• студенттердің шығармашылық жұмыстары қойылған көрме өтті;
• Campus tour барысында Академия ғимараттары мен оқу кабинеттері таныстырылды;
• талапкерлер мен қонақтар оқытушылармен және студенттермен ашық сұхбат құру мүмкіндігіне ие болды.

Бұл күн жас талапкерлер үшін шабыт пен сенімге толы сәттерге айналып, өнер жолындағы алғашқы қадамдарын нық басуға серпін берді деп сенеміз.

Академиямыз өнерге құштар, дарынды жастарды асыға күтеді!