2026 жылдың 14-17 сәуір аралығында талапкерлерге арналған «Дарынды сценограф» республикалық байқауы өтеді.

Темірбек Жүргенов атындағы Қазақ ұлттық өнер академиясының Сценография кафедрасы Сіздерді мультимедиалық сценография,
сондай-ақ театр, кино және теледидар гримі әлеміне терең бойлауға шақырады.

«Дарынды сценограф» конкурсына қатысу үшін:

І кезең:

2026 жылдың 14 сәуіріне дейін өтінімді толтырып, кез келген бейнелеу техникасында орындалған кемінде 10 шығармашылық жұмысты
электронды поштаға жолдау қажет: kaznai_scenography@mail.ru

ІІ кезең:

17 сәуірде үміткерлер халық ертегілері, эпостары,аңыздары мен мифтері негізінде пьесалар бойынша кейіпкерлердің декорациясы немесе гримінің бір эскизін офлайн форматта орындайды. Конкурс жеңімпаздары I, II және III дәрежелі дипломдармен марапатталады.

Конкурсқа қатысқан барлық үміткерлер шығармашылық қабылдау емтиханына қатысу құқығына ие болады.