Қазақстан Республикасы Мәдениет және ақпарат министрлігінің «Темірбек Жүргенов атындағы Қазақ ұлттық өнер академиясы» республикалық мемлекеттік мекемесі профессор-оқытушы құрамының бос лауазымдарына орналасуға конкурс жариялайды:
| Кафедра атауы | Кафедра меңгерушісі | Профессор | Доцент | Аға оқытушы | Оқытушы |
| Қазақстан тарихы және әлеуметтік ғылымдар кафедрасы | – | 1 (Казақ тілі) ғылыми дәрежесі бар | – | 2 (1 – Философия, 1 – мәдениеттану) ғылыми дәрежесі бар қазақ, орыс тілдерінде | – |
| Актер шеберлігі және режиссура | – | – | – | – | 1 (актер шеберлігінің негіздері I қазақ тілінде) Қазақстанның еңбек сіңірген қайраткері, Құрмет, Парасат ордендерінің иегері |
| Сценография | – | – | – | – | 2 (1-кейіпкерлердің макетін әзірлеу I-II; 1-спектакльдің сыртқы формасы I, спектакльді жобалау кезеңдері, қорытынды аттестаттау, рецензия) қазақ, орыс тілдерінде |
| Дыбыс режиссурасы және операторлық өнер | – | – | – | – | 3 (1-кинооператор, телеоператор шеберлігі; 1-дыбыс жабдығы I-II, студия мен залдардың акустикасы; 1-музыка жазу технологиясы I-II, заманауи аудио технологиялар) қазақ , орыс тілдерінде |
| Анимация режиссурасы және интерактивті медиа | – | – | – | – | 1 (Анимация режиссурасы III, IV; режиссерлік сценарий) өнертану магистрі қазақ, орыс тілдерінде |
| Театр өнерінің тарихы мен теориясы | 1 | – | – | – | – |
| Бейнелеу өнерінің тарихы мен теориясы | – | – | – | – | 1 (бейнелеу өнерінің тарихы, оқу практикасы) өнертану магистрі қазақ, орыс тілдерінде |
| Сән және костюм дизайны | – | – | – | – | 4 (1-материалтану және конфекциялау, киімдік муляждық модельдеу және т.б.; 1-цифрлық fashion графика негіздері, өндірістік тәжірибесі 1, ресайклинг және т.б.; 1-материалда модель жасау, фактуралар мен материалдарды имитациялау технологиясы, өндірістік тәжірибесі 2 және т.б.; 1-грим, визаж және постиж, жобалау алдындағы талдау) магистр дәрежесі бар қазақ, орыс тілдерінде |
| Шет тілдер | – | – | – | – | 2 (ағылшын тілі) магистр дәрежесі бар |
| Арт-менеджмент және продюсерлеу | – | – | – | 1 (өнер саласындағы жобаларды басқару) өнертану кандидаты, қазақ, орыс тілдерінде | 1 (арт-индустриядағы жобалық технологиялар) магистр дәрежесі бар қазақ, орыс тілдерінде |
| Сәндік өнер | – | – | – | – | 1 (көркем қыш) магистр дәрежесі бар қазақ, орыс тілдерінде |
| Эстрадалық оркестр аспаптары | – | – | – | – | 1 (мамандық – саксофон) |
| Хореография педагогикасы | 1 | – | – | – | – |
| Балетмейстерлік өнер | 1 | – | – | – | 1 (қазақ биінің әдістемелік негіздері, қазақ биін оқытудың практикумы, қазақ биінің педагогикасы) магистр дәрежесі бар қазақ, орыс тілдерінде |
| Көркемсурет | – | – | – | – | 1 (кескіндеме) магистр дәрежесі бар қазақ, орыс тілдерінде |
Профессор–оқытушы құрамының лауазымдарына орналасуға арналған конкурс ҚР МАМ «Темірбек Жүргенов атындағы Қазақ ұлттық өнер академиясы» РММ профессор-оқытушы құрамының лауазымдарына конкурстық орналасу туралы ережеге сәйкес жүргізіледі.
Темірбек Жүргенов атындағы ҚазҰӨА профессор-оқытушы құрамының лауазымдарына қойылатын біліктілік талаптары:
- 1) Кафедра меңгерушісінде жоғары (немесе жоғары оқу орнынан кейінгі) білімі, ғылыми дәрежесі және/немесе ғылыми атағы және/немесе Қазақстан Республикасының құрметті атағы және/немесе мемлекеттік наградасы, ғылыми-педагогикалық қызметтегі үздіксіз жұмыс өтілі кемінде 5 жыл, оқу-әдістемелік және ғылыми жұмыстары, білім менеджменті бойынша біліктілікті арттыру курстарынан өту туралы сертификаттың (куәлік) болуы керек. Ағылшын тілін білу айрықша құқық береді.
- 2) Профессорда жоғары (немесе жоғары оқу орнынан кейінгі) білімі, ғылыми дәрежесі және профессор/қауымдастырылған профессор (доцент) ғылыми атағы немесе Қазақстан Республикасының құрметті атағы және/немесе мемлекеттік наградасы және профессор/қауымдастырылған профессор (доцент) ғылыми атағы немесе профессор/қауымдастырылған профессор (доцент) ғылыми атағы, ғылыми-педагогикалық қызметтегі үздіксіз жұмыс өтілі кемінде 10 жыл, соның ішінде доцент лауазымында кемінде 5 жыл, оқу-әдістемелік және ғылыми жұмыстары болуы керек. Ағылшын тілін білу айрықша құқық береді.
- 3) Доцентте жоғары (немесе жоғары оқу орнынан кейінгі) білімі, ғылыми дәрежесі немесе қауымдастырылған профессор (доцент) ғылыми атағы, ғылыми-педагогикалық қызметтегі үздіксіз жұмыс өтілі кемінде 7 жыл, соның ішінде аға оқытушы лауазымында кемінде 5 жыл, оқу-әдістемелік және ғылыми жұмыстары болуы керек. Ағылшын тілін білу айрықша құқық береді.
- 4) Аға оқытушыда жоғары (немесе жоғары оқу орнынан кейінгі) білімі, дәріс оқуға үміткер тұлғалар үшін оқытушы лауазымында кемінде 3 жыл, ал семинарлар өткізумен айналысатын тұлғалар үшін кемінде 5 жыл үздіксіз ғылыми-педагогикалық жұмыс өтілі және/немесе ғылыми дәрежесінің болуы тиіс. Ағылшын тілін білу айрықша құқық береді.
- 5) Оқытушыда кафедраның бейініне сәйкес мамандығы бойынша кемінде 3 жыл өтілі болған кезде жоғары білімінің болуы және / немесе магистр академиялық дәрежесінің болуы, оқу-әдістемелік және ғылыми жұмыстары болуы керек. Ағылшын тілін білу айрықша құқық береді.
Конкурсқа қатысушының білімі, ғылыми және академиялық дәрежесі, жұмыс өтілі кафедра/білім беру бағдарламасының бейініне (оқытылатын пәнге) сәйкес келуі міндетті.
Артықшылықтар ғылыми дәрежесі және/немесе ғылыми атағы және/немесе құрмет атағы (ҚР мемлекеттік марапаттары) барларға, ағылшын тілін меңгергендерге, алыс шетел университеттерінде оқытушылық тәжірибесі барларға, оқытудың кредиттік жүйесі бойынша жұмыс негіздерін меңгергендерге беріледі.
Конкурсқа қатысуға тілек білдірген адамдар Академия ректорының атына өтініш жазады. Өтінішке қоса мына құжаттарды тапсырады:
- 1) конкурсқа қатысушы өзі толтырған, тұрғылықты мекенжайын, байланыс телефондарын (үй, жұмыс, ұялы телефондары) және электронды мекенжайын көрсеткен кадрларды есепке алу бойынша жеке парағы (фотосуретімен).
- – Жеке парақтағы еңбек қызметі жайындағы ақпарат конкурсқа қатысушының еңбек өтілін дәлелдейтін құжатқа сәйкес толтырылады. Конкурсқа қатысушының жеке парағында көрсетілген еңбек қызметі конкурсқа қатысушының еңбек өтілін дәлелдейтін құжатпен сәйкес келмейтін болса, онда құжатта келтірілген ақпараттар ескерілетін болады;
- 2) өмірбаян;
- 3) жоғары білімі мен академиялық және ғылыми дәрежесі туралы дипломдардың, ғылыми атағы туралы құжаттардың көшірмелері және салыстыру үшін түпнұсқалары;
- 4) қайта даярлау және біліктілікті арттыру туралы сертификаттардың көшірмесі (болған жағдайда) және соңғы 3 (үш) жылдағы салыстырып тексеру үшін түпнұсқалары;
- 5) конкурсқа қатысушының соңғы жасаған жұмыс орнының уәкілетті тұлғасының қолымен және ұйымның мөрімен расталған (болған жағдайда), Ереженің ажырамас бөлігі болып табылатын №2 – қосымшаға (бұдан әрі мәтін бойынша – №2 – қосымша) сәйкес толтырылған ғылыми, оқу-әдістемелік және шығармашылық жұмыстарының тізімі;
- 6) мекеме басшысы қол қойған мінездеме;
- 7) конкурсқа қатысу үшін құжаттарды тапсыру сәтінде бір жылдан ерте емес жасалған флюорография суреті бар электрондық жеке медициналық кітапша;
- 8) Қазақстан Республикасы азаматының жеке куәлігінің көшірмесі және салыстыру үшін түпнұсқасы;
- 9) қоса атқарушылар үшін негізгі жұмыс орнынан анықтама;
- 10) еңбек кітапшасы;
- 11) кафедра меңгерушісі лауазымына үміткер кандидаттар үшін сыбайлас жемқорлық қылмыс жасағаны туралы мәліметтердің бар-жоғы туралы анықтама;
- 12) құқықтық статистика және арнайы есепке алу органдарының ақпараттық жүйелері арқылы қылмыстық құқық бұзушылық жасағаны туралы мәліметтердің бар-жоғы туралы анықтама;
- 13) соттылығы жоқ туралы анықтама;
- 14) конкурсқа қатысушының есепте тұрмайтыны туралы наркологиялық ұйымның анықтамасы;
- 15) конкурсқа қатысушының есепте тұрмайтыны туралы психоневрологиялық ұйымнан анықтама;
- 16) оқу-әдістемелік құжаттама (хабарландыруда көрсетілген пәндерге сәйкес силлабус).
Академияда жұмыс істейтін тұлғалар конкурсқа қатысу үшін академия ректорының атына өтініш береді. Өтінішке мынадай құжаттар қоса беріледі:
- 1) Кафедра меңгерушісі қол қойған мінездеме;
- 2) Ереженің ажырамас бөлігі болып табылатын №2 қосымшаға сәйкес жасалған, кафедра меңгерушісінің қолымен расталған ғылыми, оқу-әдістемелік және шығармашылық жұмыстардың тізімі (бұдан әрі мәтін бойынша – № 2 қосымша);
- 3) кафедра меңгерушісі лауазымына үміткер кандидаттар үшін сыбайлас жемқорлық қылмыс жасағаны туралы мәліметтердің бар-жоғы туралы анықтама;
- 4) соттылығы жоқ туралы анықтама;
- 5) құқықтық статистика және арнайы есепке алу органдарының ақпараттық жүйелері арқылы қылмыстық құқық бұзушылық жасағаны туралы мәліметтердің бар-жоғы туралы анықтама;
- 6) конкурсқа қатысушының есепте тұрмайтындығы туралы наркологиялық ұйымның анықтамасы;
- 7) конкурсқа қатысушының есепте тұрмайтындығы туралы психоневрологиялық ұйымның анықтамасы;
- 8) конкурсқа қатысу үшін құжаттарды тапсыру сәтінде бір жылдан ерте емес жасалған флюорография суреті;
- 9) барлық оқытылатын пәндер бойынша оқу-әдістемелік құжаттама (оқытушының ағымдағы және алдағы оқу жылына арналған жеке жоспары бойынша сағаттарды орналастыруға сәйкес ПОӘК және силлабус).
Осы тармақта көзделген тiзбеге сәйкес құжаттардың толық емес топтамада ұсынылғанда немесе өтініштерді беру мерзімін бұзу жағдайларында тұлғасының құжаттарды қабылдаудан бас тартуға негіз болып табылады.
Конкурсқа қатысушы біліміне, кәсіби деңгейіне қатысты қосымша ақпарат (ғылыми жарияланымдардың тізімі, алдыңғы жұмыс орнындағы басшылық берген ұсынымдар), сондай-ақ жұмыс тәжірибесін және біліктілігін растайтын құжаттар бере алады.
Конкурсқа қатысу үшін құжаттарды мына мекенжай бойынша тапсыру қажет: 050000, Алматы қаласы, Панфилов көшесі 127, № 2 кабинет (персоналды басқару бөлімі).
Құжаттар 2026 жылдың 30 тамызына дейін өткізілуі керек.
Анықтама телефоны: 8 /727/338-37-16.
