2026 жылғы 16 сәуірде Темірбек Жүргенов атындағы Қазақ ұлттық өнер академиясында студенттер арасында діни экстремизм мен терроризмнің алдын алуға бағытталған іс-шара өткізілді. Танымдық іс-шараны Алматы қаласы Дін істері жөніндегі басқармасының «Дін мәселелерін зерттеу орталығы» КММ тапсырысы негізінде Әлеуметтік-тәрбие жұмысы және жастар саясаты жөніндегі бөлім ұйымдастырды.

Іс-шара барысында қатысушыларға экстремизм мен терроризмнің қоғамға теріс әсері, сондай-ақ осы құбылыстардың алдын алу шаралары мен профилактикалық жұмыстар туралы маңызды ақпарат ұсынылды.

Дәрісті Алматы қаласының ақпараттық-түсіндіру тобының мүшесі, әл-Фараби атындағы ҚазҰУ-дың аға оқытушысы, философия ғылымдарының кандидаты Жанна Кантарбаева жүргізді.