Темірбек Жүргенов атындағы Қазақ ұлттық өнер академиясында қоғам қайраткері, Қазақстан Франчайзинг қауымдастығының президенті Бекнур Қисиков академия студенттерімен жолығып, Сыбайлас жемқорлыққа қарсы мәдениетті қалыптастыру бойынша оқыту іс-шарасын өткізді. Әлеуметтік тәрбие жұмысы және жастар саясаты бөлімінің ұйымдастыруымен өткен кездесудің мақсаты – жастар арасында адалдық пен әділдік қағидаттарын нығайту, қоғамда антикоррупциялық сананы қалыптастыру болды.
Жиын барысында әділ қоғамды қалыптастырудағы жастардың рөлі, сондай-ақ сыбайлас жемқорлыққа қарсы күрестің тиімді әдістері түсіндірілді. Білім, мәдениет салаларында кездесетін жемқорлық пен олардың алдын алу бағытындағы жұмыстар жөнінде айтылды.
Сыбайлас жемқорлық – мемлекеттің дамуына кері әсер ететін өзекті мәселе. Сондықтан студенттер арасында құқықтық тәртіпке негізделген қоғам құруға қалай үлес қоса алатыны жөнінде талқылау аса маңызды.
Кездесу соңында тақырыптық бейнематерил көрсетіліп, аталған іс-шараға қатысушылардың сұрақтарына жауап берілді.
