2026 жылдың 9 ақпанында Театр өнері факультетінде білім беру бағдарламаларының (ОП) мазмұнын талқылауға арналған кеңес өтті. Мәжіліске бағдарламаларға жауапты ұстаздар – М. Сарыбай, Б. Кажнабиева, Д.Қарамолдаева, А.Жұмаш, Ж.Баймұханова, А.Шанкибаева, Ж. Алимкулова, Р.Ашинов, С. Суханова, сондай-ақ Тәжірибе, жұмысқа орналастыру және кәсіби бағдар беру бөлімінің басшысы А.Токеева қатысты.

Кеңес барысында оқу процесіндегі өзекті мәселелер қарастырылды. Ғ. Мүсірепов атындағы Қазақ мемлекеттік академиялық балалар мен жасөспірімдер театры директорының орынбасары М.Қамалов және М. Әуезов атындағы Қазақ ұлттық драма театрының директоры Е. Жуасбек 2026-2027 оқу жылына қабылдау талаптары мен бағдарламаларды жетілдіру бойынша өз ұсыныстарын білдірді. Аталған ұсыныстар негізінде хаттама толтырылып, көтерілген мәселелерді шешуге бағытталған іс-шаралар жоспары құрылды.