Темірбек Жүргенов атындағы Қазақ ұлттық өнер академиясының ректоры Арман Жүдебаев жаңа Конституция жобасын талқылау бойынша дөңгелек үстел өткізді. Жиынға академияның профессор-оқытушылар құрамы мен қызметкерлері қатысты.

Дөңгелек үстел барысында «Конституциялық реформа: унитарлық мемлекетке қадам басудың сара жолы», «Қазақстан Республикасының Конституциясы – мемлекет тұрақтылығының кепілі», «Конституционная реформа: трансформация публичной власти и усиление гарантий прав и свобод» тақырыптарында баяндама тыңдалды.

Баяндамашылар конституциялық реформаның мәні мен мазмұны, оның мемлекеттің саяси-құқықтық жүйесін жаңғыртудағы рөлі, сондай-ақ адам құқықтары мен бостандықтарын қамтамасыз ету тетіктерін жан-жақты тізбектеп айтып берді.

Баяндамалар барысында туындаған сұрақтар мен ұсыныстар қаралып, қатысушылар құжаттағы басым мәселелер бойынша өзара пікір алмасты. Мемлекеттің алдағы уақытта орнықты дамуы мен қоғамды ұйымдастырудағы бұл құжаттың маңызы айтылды.