Бүгін Темірбек Жүргенов атындағы Қазақ ұлттық өнер академиясының басшылығы мен қызметкерлері Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын тыңдады.
Жолдауда еліміздің экономикасы мен әлеуметтік даму бағыттарына қоса, Жасанды интеллект және цифрлық даму министрлігін құру бастамасы жарияланды. Президент үш жыл ішінде Қазақстанды жаппай цифрлық мемлекетке айналдыруды уақыт талабы әрі болашағымыздың кепілі ретінде атап өтті. Бұл қадам, әсіресе, білім беру саласы үшін маңызды.
Академия өз тарапынан:
- – оқу бағдарламаларына цифрландыру процесін кешенді енгізуді;
- – жасанды интеллект саласында ғылыми-зерттеу жұмыстарын күшейтуді;
- – студенттердің цифрлық сауаттылығын арттыруды басымдық ретінде айқындап отыр.
Президентіміз атап өткендей, әлемдік даму үрдісінен артта қалмау – баршамыздың ортақ міндетіміз. Сондықтан қысқа мерзім ішінде жасанды интеллектіні дамыту жолында атсалысу қажет.
