Темірбек Жүргенов атындағы Қазақ ұлттық өнер академиясының “Музыкалық өнер” факультеті 1-курс студенті Антоний Насибулин Мәскеуде (Ресей) өткен “Жаңа музыка” атты халықаралық байқауда 2-орынға ие болды. Композиция және орындаушылық номинациялары бойынша өткен байқауда Антоний Насибулин ерекше өнерімен қазылар алқасының жоғары бағасына ие болды.

Ол өз бағдарламасында “Байрам” атты авторлық шығармасын және Эрл Уайлдтың “Лиза” атты виртуоздық этюдын орындап, көрермендерді тәнті етті. Бұл жетістік – жас музыканттың тынымсыз еңбегінің және академиядағы сапалы білім мен қолдаудың нәтижесі.

Темірбек Жүргенов атындағы Қазақ ұлттық өнер академиясы Антонийді лайықты жеңісімен құттықтап, алдағы уақытта үлкен табыстарға жетуіне тілектестік білдіреді!