Темірбек Жүргенов атындағы Қазақ ұлттық өнер академиясының ректоры Арман Жүдебаев академия ұжымымен есеп беру кездесуін өткізді. Ол жыл бойы атқарылған жұмыстар, студенттер мен оқытушылардың жетістіктері, 2024 жылы жүзеге асырылған жөндеу жұмыстары және 2025 жылға арналған жоспарлар туралы баяндады.

Кездесу барысында ректор студенттердің халықаралық байқаулар мен фестивальдердегі жетістіктерін атап өтіп, оқытушылар құрамының академияны дамытудағы үлесін ерекше айтты. Сонымен қатар, білім мен шығармашылық үшін жағдайды жақсартуға бағытталған жөндеу жұмыстарының аяқталғаны туралы ақпарат берді.

Арман Әділханұлы академияның негізгі стратегиялық міндеттерін атап өтті. Олардың қатарында халықаралық байланыстарды кеңейту, материалдық-техникалық базаны жаңарту және жаңа білім беру бағдарламаларын енгізу бар.