2024 жылдың 25 желтоқсаны күні Темірбек Жүргенов атындағы Қазақ ұлттық өнер академиясына қарасты 8D021-Өнер Диссертациялық кеңесінде Алпысбаева Венера Нагметдуллақызының докторлық диссертация қорғауы өтті.

Диссертация тақырыбы: «Қазақстанның эстрадалық өнеріндегі мюзикл және рок-опера жанрлары: даму үрдістері мен перспективалары»

• Мамандығы: «6D040800 – Эстрада өнері»
• Қорғау күні, уақыты: 25 желтоқсан, 2024 жыл, сағат 15:00
• Диссертациялық жұмыс тілі: Қазақ тілі
• Кафедра: «Эстрада оркестрінің аспаптары».

Ғылыми кеңесшілер:

Шекерджиева-Новак Тони Димитрова – PhD докторы, А.Диамандиев атындағы музыка, би және бейнелеу өнері академиясының профессоры (Пловдив қ., Болгария);

Бегалинова Гульнар Абдрахмановна – өнертану кандидаты, Темірбек Жүргенов атындағы Қазақ ұлттық өнер академиясының «Эстрада оркестрінің аспаптары» кафедрасының профессоры.

Ресми рецензенттер:

Кузбакова Гульнар Жанабергеновна – өнертану кандидаты, Қазақ ұлттық өнер университетінің доценті (Астана қ.);

Бултбаева Айзада Зейкеновна – Құрманғазы атындағы Қазақ ұлттық консерваториясының доценті.

Қорғау барысында диссертацияның зерттеу нәтижелері жоғары бағаланып, жұмыстың ғылыми және практикалық маңыздылығы атап өтілді. 8D021-Өнер Диссертациялық кеңесі бірауыздан Алпысбаева Венера Нагметдуллақызына «6D040800 – Эстрада өнері» мамандығы бойынша философия докторы (PhD) дәрежесін беру туралы шешім қабылдады.

Темірбек Жүргенов атындағы Қазақ ұлттық өнер академиясы ұжымы Алпысбаева Венера Нагметдуллақызын философия докторы (PhD) дәрежесінің иеленуімен құттықтай отырып, болашақ зерттеулеріне табыс тілейді!