20 қыркүйек күні X «Baiqonyr Film Festival» кинофестивалі басталды. Фестивальдің IV Алматы халықаралық кинотанушылар мен киносыншылар форумы аясында «Кинотану саласындағы үздік жұмыс» ұлттық байқауы аталып өтті.

Байқау нәтижесінде Кино тарихы мен теориясы кафедрасының аға оқытушысы, кинотанушы Гүлім Көпбай «Кинотану саласындағы үздік мақала», ал Кинотану мамандығының 3-курс студенті Ғайша Аманжол «Үздік студенттік жұмыс» номинациясында жеңімпаз атанды.

Форум түрлі өңір мен елден келген жетекші зерттеушілерді, киносыншыларды, сарапшылар мен жас мамандарды біріктіреді. Оның мақсаты – кинематография мен кино саласындағы өзекті үрдістерді талқылау, жаңа есімдерді қолдау және кино өнерінің болашағын айқындайтын келешегі зор идеяларды қалыптастыру.

Форумдағы басты іс-шараның бірі – «Кинотану саласындағы үздік жұмыстар байқауы». Бұл – кинотану саласын зерттеуге және дамытуға елеулі үлес қосқан талантты студенттерді, зерттеушілер мен авторларды анықтауға және қолдауға бағытталған кәсіби байқау.