26–27.03.2025 жылы «Хореография педагогикасы» кафедрасында жоғары және жоғары оқу орнынан кейінгі білім беру ұйымдарының білім алушылары арасында XVII республикалық пәндік олимпиада өтті. В028 «Хореография» білім беру бағдарламалары тобы бойынша олимпиадаға келесі 8 ЖОО студенттері қатысты:

• 1. М. Өтемісов атындағы Батыс Қазақстан университеті (Орал)
• 2. Темірбек Жүргенов атындағы Қазақ ұлттық өнер академиясы (Алматы)
• 3. Қазақ ұлттық хореография академиясы (Астана)
• 4. Қазақ ұлттық қыздар педагогикалық университеті (Алматы)
• 5. Абай атындағы Қазақ ұлттық педагогикалық университеті (Алматы)
• 6. Қорқыт Ата атындағы Қызылорда университеті (Қызылорда)
• 7. М. Х. Дулати атындағы Тараз мемлекеттік университеті (Тараз)
• 8. М. Әуезов атындағы Оңтүстік Қазақстан университеті (Шымкент)

Бірінші турда студенттер «Классикалық биді оқыту теориясы мен әдістемесі» және «Қазақ биін оқыту теориясы мен әдістемесі» пәндері бойынша билеттердегі сұрақтарға жауап берді.

Екінші турда студенттер «Хореографиялық өнер тарихы» пәні бойынша зияткерлік ойынға қатысты.

Олимпиада аясында «Хореография» факультетінде contemporary dance және қазақ биі бойынша 2 мастер-класс, сондай-ақ заманауи хореографиялық білім беру мәселелеріне арналған дөңгелек үстел өткізілді.

Олимпиаданың республикалық комиссиясының құрамы:

• 1. «Мәдениет саласының үздігі», «Салтанат» мемлекеттік би ансамблінің бас балетмейстері ― Ильясова Ақмарал Әбдікәрімқызы (комиссияның тәуелсіз төрағасы);
• 2. Қазақстанның еңбек сіңірген әртісі, Темірбек Жүргенов атындағы Қазақ ұлттық өнер академиясының «Хореография педагогикасы» кафедрасының профессоры ― Гончарова Наталья Львовна;
• 3. Қазақстанның еңбек сіңірген қайраткері, Қазақ ұлттық хореография академиясының профессоры ― Әлішева Алила Тұрсынбайқызы;
• 4. «Мәдениет саласының үздігі», Қазақ ұлттық қыздар педагогикалық университетінің хореография және Арт менеджмент кафедрасының қауымдастырылған профессоры ― Сабдалиева Роза Болысқызы;
• 5. «Мәдениет саласының үздігі», Қорқыт ата атындағы Қызылорда университетінің доценті ― Мырзабаева Гүлбану Елубайқызы;
• 6. «Мәдениет саласының үздігі», педагогика ғылымдарының магистрі, М. Х. Дулати атындағы Тараз мемлекеттік университетінің «Мәдениет және өнер» кафедрасының аға оқытушысы ― Караматуллаева Хадия Ермашқызы;
• 7. «Мәдениет қайраткері», Абай атындағы Қазақ ұлттық педагогикалық университетінің аға оқытушысы ― Қлышбаев Талант Жамбылұлы;
• 8. Магистр, М. Өтемісов атындағы Батыс Қазақстан университетінің аға оқытушысы ― Кенжетаева Әлия Иллюгалиевна;
• 9. Магистр, М. Әуезов атындағы Оңтүстік Қазақстан университетінің аға оқытушысы ― Мырзаев Санжарқожа Алтынбекұлы.

Олимпиада қорытындысы бойынша ЖОО-ның 8 командасы келесі орындарға ие болды:

• I орын ― Темірбек Жүргенов атындағы Қазақ ұлттық өнер академиясы;
• II орын ― Қазақ ұлттық хореография академиясы;
• II орын ― Қазақ ұлттық қыздар педагогикалық университеті;
• III орын ― Абай атындағы Қазақ ұлттық педагогикалық университеті;
• III орын ― Қорқыт Ата атындағы Қызылорда университеті;
• III орын ― М. Өтемісов атындағы Батыс Қазақстан университеті;
• III орын ― М. Әуезов атындағы Оңтүстік Қазақстан университеті;
• III орын ― М. Х. Дулати атындағы Тараз мемлекеттік университеті.