2025 жылғы 15–19 сәуір аралығында Қырғыз Республикасының Бішкек қаласында өткен «Жаңа ысымдар» халықаралық студенттік театр фестиваліне Қазақстан, Өзбекстан, Әзербайжан, Түркия, Ресей және Қырғызстан мемлекеттерінен жас театр өнерпаздары қатысты.

Аталған фестивальге Қазақ ұлттық өнер академиясының атынан қатысқан «Музыкалық театр артисі» білім беру бағдарламасының 3-курс студенттері Ғ.Мүсіреповтің “Қыз Жібек” спектаклімен өнер көрсетіп, II орынға ие болды.

«Бекежан» рөлін кәсіби деңгейде орындаған Хайролла Аймағанбет «Ең үздік ер адам бейнесі» номинациясын иеленді.

Көркем сөз оқу бағытында ерекше көзге түскен Талғатбек Мирас арнайы ақшалай жүлдеге лайық деп танылды.

Сонымен қатар, қойылымда басты рөлдерді сомдаған Әзімтай Нұрай мен Абдықадыр Қаршыға республикалық телеарнаға арнайы сұхбат беріп, Академия өнерін халықаралық деңгейде танытты.

Ұжым атынан студенттерімізді айтулы жеңістерімен құттықтай отырып, шығармашылық табыс, жаңа жетістіктер мен биік белестер тілейді. Бұл – олардың кәсіби шеберлігінің, табандылығы мен өнерге деген шынайы сүйіспеншілігінің айқын дәлелі.