2024 жылдың 26 ​​қарашасында «Хореография» факультетінде халықтық-сахналық биді оқыту әдістемесі бойынша семинар өтті. Семинарды Қазақстанның еңбек сіңірген қайраткері, қауымдастырылған профессор, Қазақ ұлттық хореография академиясының профессоры Алишева Алила Турсумбаевна жүргізді. Семинар Темірбек Жүргенов атындағы Қазақ ұлттық өнер академиясы «Хореография» факультетінің 30 жылдығына арналған «Хореографиялық өнердегі режиссура және педагогика: дәстүрлер мен инновациялар» атты ІІ Халықаралық ғылыми-тәжірибелік конференциясы аясында өтті. Семинарға «Хореография» факультетінің оқытушылары, сонымен қатар Александр Селезнев атындағы Алматы хореографиялық училищесінің оқытушылары қатысты.