«Өнер және руханият өнертанудағы қазіргі көркемдік дискурстың аспектілері ретінде» тақырыбына
ҒЫЛЫМ АПТАЛЫҒЫ — 2025
2025 жылдың 7–11 сәуір аралығында
2-ПРОГРАММА НЕДЕЛИ НАУКИ-2025 с обложкой
Темірбек Жүргенов атындағы Қазақ ұлттық өнер академиясында жыл сайынғы Ғылым апталығын өткізу игі дәстүрге айналды. ҒЫЛЫМ АПТАЛЫҒЫ — 2025 «Өнер және руханият өнертанудағы қазіргі көркемдік дискурстың аспектілері ретінде» тақырыбына арналады.
7 сәуірде сағат 11.00 (Астана уақыты) өтетін Ғылым апталығының ашылу салтанаты болады. 7 сәуірде 11.30-де (Астана уақыты) Ғылыми-инновациялық бөлімнің (ҒИБ) Жас ғалымдар кеңесімен (ЖҒК) бірлесе ұйымдастырған «Ғылыми инновациялар және жастар» тақырыбындағы дөңгелек үстелі өтеді.
9 сәуірде «Өнертану» факультеті, «Бейнелеу өнерінің тарихы мен теориясы» кафедрасының ұйымдастыруымен М. Кенбаевтың 100 жылдығына арналған «Ұлттық құндылықтар парадигмасы контекстіндегі қазақ бейнелеу өнерінің классигі М. Кенбаевтың шығармашылық мұрасы» атты Халықаралық ғылыми-практикалық конференция өтеді.
9 сәуірде сағат 14.00 (Астана уақыты) «Арт-менеджмент және продюсерлеу» кафедрасының ұйымдастыруымен «Өнер-2024» креативтік индустриядағы Халықаралық шығармашылық жобалар мен стартаптар байқауы өткізіледі. Конкурс студенттердің, магистранттардың шығармашылық және кәсіпкерлік белсенділігін дамыту және жастарды шығармашылық жобаларды әзірлеуге және іске асыруға, қатысуға ынталандыру мақсатында ұйымдастырылады.
10 сәуірде «Қазақстан тарихы және әлеуметтік пәндер» кафедрасы І. Жансүгіров, Б. Майлин және С. Сейфуллиннің 130 жылдық мерейтойларына арналған «Үш бәйтерек — үш ғұмыр» атты студенттер мен жас ғалымдардың VI халықаралық ғылыми-теориялық конференциясын өткізеді.
10 сәуірде сағат 14:00 (Астана уақыты бойынша) Ғылыми кадрларды даярлау орталығы кафедралармен, кітапханамен, өнер ЖОО-мен және шетелдік серіктес ЖОО-мен бірлесе отырып, шығармашылық университеттердің магистранттары арасында «Үздік постерлік баяндама» V халықаралық онлайн байқауын өткізеді.Конференция жұмысына Академияның профессорлық-оқытушылық құрамы, магистранттар, докторанттар, студенттер шақырылады.
ҒЫЛЫМ АПТАЛЫҒЫ – 2025 бағдарламасымен қосымшада танысуға болады.