“Қазақстан тарихы және әлеуметтік ғылымдар” кафедрасы 31 қазан 2023 жыл

 «Төле би тұлғасы мен асыл мұрасы» атты Халықаралық meet-up

Кафедра «Шығыс жұлдыздары: ұрпақтар сабақтастығы» тақырыбындағы Тілдер апталығы аясында Төле бидің 360 жылдығына орай «Төле би тұлғасы  мен асыл мұрасы» атты халықаралық виртуалды meet-up өткізді. Көрнекті қоғам қайраткері, Ұлы жүздің биі, “Жеті жарғы” заңдар жинағы авторларының бірі – Төле бидің есімі Қазақстан тарихына алтын әріптермен жазылған.

Іс-шараны ұйымдастырушылар доцент Н.А. Таирова және аға оқытушы Н.А. Алматова іс-шараның мақсатын – ұлы саясаткер, батыр және шешен Төле бидің қызметін, оның адамгершілік принциптері мен шешендік өнерін насихаттай отырып, жас ұрпақтың тарихи жадын және мақтаныш сезімін қалыптастыру деп атады.

Іс-шараға Темірбек Жүргенов атындағы ҚазҰӨА студенттерімен бірге Алматы Менеджмент Университетінің (AlmaU) және Ташкент мемлекеттік көлік университетінің (ТМКУ) оқытушылары мен студенттері қатысты. Темірбек Жүргенов атындағы ҚазҰӨА Театр өнері факультетінің 1-курс студенттері ұлы қоғам қайраткерінің өмірі мен қызметі туралы өз білімдерімен бөлісті, ойшылдың ең танымал даналық інжу-маржандарын оқыды. Медиажурналистика мамандығының бірінші курс студенттері Алматы қаласының тұрғындары арасында Ұлы би туралы сауалнама жүргізді. ТМКУ студенті Беловецкая Милана Төле бидің Ташкенттегі өмірі мен қызметі туралы, ал AlmaU студенттері Омарбек Нұрқұт пен Амангелді  Ақбота Төле бидің ең құнды еңбегі «Жеті жарғы» туралы баяндады.

Іс-шарада Темірбек Жүргенов атындағы ҚазҰӨА Қазақстан тарихы және әлеуметтік ғылымдар кафедрасының меңгерушісі, профессор А.Ш. Алимжанова, ТМКУ Шет тілдері кафедрасының меңгерушісі Г.С. Мустаева құттықтау сөз сөйледі. Іс-шара тыңдаушылардың қызығушылығын тудырды, студенттер Төле бидің ұлы мұрасы туралы көп нәрсе білді.