2024 жылғы 13 қарашада Нұрсұлтан Назарбаев Қорының стипендиаттарын салтанатты марапаттау рәсімі өтті.
Бұл іс-шара еліміздің дарынды жастарын қолдауға бағытталған маңызды оқиға болды. Рәсім барысында Қазақстанның әр өңірінен іріктелген 40 үздік студентке атаулы шәкіртақылар табысталды. Стипендиаттар оқу, ғылыми-зерттеу, шығармашылық және қоғамдық қызметтегі жоғары жетістіктері үшін таңдалды.
Біздің академиямыздан Театр өнері факультетінің 4-курс студенті Машенов Тұрсын осы мәртебелі атаулы шәкіртақының иегері атанды. Бұл жетістік – талант пен табандылықтың жемісі.
Тұрсынды шын жүректен құттықтаймыз және шығармашылық табыс пен жаңа белестерді бағындыруды тілейміз!