• 05.03.2024

«Темірбек Жүргенов атындағы ҚазҰӨА өнер саласындағы педагогтардың ғылыми-әдістемелік құзыреттері және білім беру бағдарламаларын дамыту»

Авторkaznai

Қаң 25, 2024

«Темірбек Жүргенов атындағы ҚазҰӨА өнер саласындағы педагогтардың ғылыми-әдістемелік құзыреттері және білім беру бағдарламаларын дамыту» тақырыбында жыл сайынғы әдістемелік апталық өткізілді!

2024 жылдың 15-19 қаңтар аралығында Темірбек Жүргенов атындағы Қазақ ұлттық өнер академиясында «Темірбек Жүргенов атындағы ҚазҰӨА өнер саласындағы педагогтардың ғылыми-әдістемелік құзыреттері және білім беру бағдарламаларын дамыту» тақырыбында жыл сайынғы әдістемелік апталық өткізілді. Іс-шара аясында өнер түрлері бойынша дөңгелек үстелдер, шеберлік сыныптары мен тренингтер өткізілді.

Әрине, барлық талқылаулардың басты назары қазіргі заманғы студент болды, ол жас ұрпақтың қабылдауы мен дүниетанымының ерекшеліктерін салыстырмалы талдауы мен футуристік болжамдар туралы оқу және оқу-әдістемелік жұмыс жөніндегі проректор, с.ғ.д. Шәріпбек Ағабайұлы Әмірбековтың баяндамасынан басталды.

Андрагогика қағидаттарына негізделген коммуникацияның жаңа түрлерін, жобалық, бірлескен жұмыс нысандары басым білім беру стратегияларын іздеу және білім алушылардың оқу жетістіктерін бақылау пікірталасқа қатысушылардың назарында болды.Апталық барысынды театр, бейнелеу, эстрада өнері бойынша дөңгелек үстелдер, Арт-менеджмент бойынша тренингтер, дәстүрлі музыкалық өнер бойынша шеберлік сыныптары өткізілді. Биылғы іс-шараның ерекшелігі әр өнер түрінен практиктердің де, теоретиктердің де бір дөңгелек үстелге қатысуы болды. Мысалы, бір үстелге киноиндустрия мен білім беру практиктері жиналды – режиссерлер, кино және теледидар факультетінің продюсерлері, кинотанушы теоретиктер, өнертану факультетінің кинодраматургтері мен киносыншылары және т.б. өнердің барлық түрлері бойынша. Теоретиктер мен практиктердің бұндай пікірталас алаңында бас қосуы жиі болмайды, алайда бұл жолғы кездесу ынтымақтастық шабыт пен көптеген инсайдтар әкелді.

Іс-шараға  академияның профессорлық-оқытушылық құрамынан басқа,  жұмыс берушілер, еліміздің және көрші елдердің ЖОО мен колледждерінен әріптестеріміз қатысты. Әрине, мұндай құраммен талқыланатын мәселелер ауқымы айтарлықтай кеңейіп, білім беру мәселелері ғана емес, жалпы қазақстандық өнердің жай-күйін, технологиялық прогресс контекстіндегі оның даму перспективаларын және осы үдерістегі академиялық қауымдастықтың рөлін қозғады.

Қорытынды резолюцияда әдістемелік апталықтың форматын кеңейту және іс-шараны неғұрлым жоғары, Республикалық және халықаралық деңгейде өткізу туралы шешім қабылданды.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Приемная комиссия