«Шет тілі және ҚХ» кафедрасы
«Әділ Қазақстанның жауапты азаматы: құндылықтар мен мінез-құлық үлгілері»
Дөңгелек үстел
2024 жылғы 18 наурызда Алматы қаласы Қазақстан халқы Ассамблеясының Ғылыми-сараптамалық тобы «Әділ Қазақстанның жауапты азаматы: құндылықтар мен мінез-құлық үлгілері» тақырыбында дөңгелек үстел өткізді.
Ұйымдастырушылар: Алматы қаласы Қазақстан халқы Ассамблеясының Ғылыми-сараптамалық тобы, ҚР Ақпарат және қоғамдық даму министрлігінің «Қоғамдық келісім» РММ (Республикалық мемлекеттік мекеме), ҚР Ғылым және жоғары білім Министрлігі ғылым Комитетінің философия, саясаттану және дінтану Институтының саяси зерттеулер орталығы.
Қатысушылар: Алматы қаласы Қазақстан халқы Ассамблеясының Ғылыми-сараптамалық тобының мүшелері, Қазақстан халқы Ассамблеясының мүшелері, Алматы қаласы республикалық және қалалық этномәдени бірлестіктерінің басшылары, Алматы қаласы ғылыми институттары мен ЖОО-ларының профессор-оқытушылар құрамы мен ғалымдары.
Іс-шараның мақсаты: Ұлттық құрылтайдың үшінші отырысының қорытындыларын талдау.
Модератор:
Алматы қаласы Қазақстан халқы Ассамблеясының Ғылыми-сараптамалық тобының төрағасы Мұхтарбек Сейд-Әлиұлы Шайкемелев.
Негізгі спикерлер: Алматы қаласы Қазақстан халқы Ассамблеясының Ғылыми-сараптамалық тобы, Қазақстан халқы Ассамблеясының мүшелері
Темірбек Жүргенов атындағы Қазақ ұлттық өнер академиясының атынан Дөңгелек үстел жұмысына ҚХА мүшесі, ҚХА Ғылыми – сараптамалық кеңесінің мүшесі, т. ғ. к., профессор М. Д. Шаймерденова қатысты.
Дөңгелек үстелде Әділ Қазақстан жағдайында жауапты азаматты қалыптастырудың өзекті мәселелері талқыланды. Атап айтқанда, Қазақстан жас азаматтарының мінез-құлық үлгілерін қалыптастыратын негізгі құндылықтар және олардың қоғамдық дамуға әсерін бағалау; жастардың аға буындарынан білім, білік және дағдыларды беру тетіктері мен стратегиялары, сондай-ақ осы процестің қоғамның әлеуметтік бірігуі мен тұрақтылығына әсерін талдау қаралды; түрлі әлеуметтік топтар арасындағы сенім мен мемлекеттік институттарға деген сенімді қоса алғанда, Қазақстандағы қоғамдық сенімді дамытудың ағымдағы жай-күйі мен перспективалары; қоғамдық маңызы бар бастамаларды іске асыру үшін азаматтық қоғам өкілдері, ғалымдар мен мемлекеттік органдар арасындағы диалогқа жәрдемдесу; қазақстандық жастардың құндылықтары мен мінез-құлық үлгілерін, ұрпақтар сабақтастығын және қоғамдық сенім әлеуетін қалыптастыру. Қазақстан Республикасы Президентінің жанындағы Ұлттық құрылтай (ҰК) үшінші отырысының қорытындыларын талдауға және талқылауға ерекше назар аударылды.
Өткізілген іс-шараға сілтеме (AlmatyTV):
